Хүн худалдаалах, бэлгийн мөлжлөг, гэр бүлийн хүчирхийлэл үйлдэх, хүчиндэх зэрэг гэмт хэргийн гэрч, хохирогч болон насанд хүрээгүй хохирогчийг дахин хохироохгүй байх, сэтгэцийн гэмтлийг бууруулах зорилгоор Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн гэрч, хохирогчийн аюулгүй байдлыг хамгаалах өрөөнд шаардлагатай техник, тоног төхөөрөмжийг АНУ-ын Төрийн Департаментын санхүүгийн дэмжлэгтэйгээр Азийн сан, Дэлхийн зөн олон улсын байгууллага хамтран хэрэгжүүлж буй “Хүн худалдаалахаас хүүхдийг хамгаалах нь” төслөөс гардуулах ажиллагаа өчигдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд боллоо.
Уг арга хэмжээнд Шүүхийн ерөнхий зөвлөлийн гишүүн Н.Баасанжав, Гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл, Монгол Улс дахь АНУ-ын Элчин сайдын яамны бүс нутгийн аюулгүй байдлын хэлтсийн дарга Жоэл Ортез, улс төрийн хэлтсийн ажилтан Кристи Доэрти, Азийн сангийн суурин төлөөлөгч Марк Кэйниг, “Хүн худалдаалахаас хүүхдийг хамгаалах нь” төслийн дэд захирал Г.Гантулга, Баянзүрх, Чингэлтэй дүүргийн Эрүүгийн хэргийн анхан шатны шүүхийн ерөнхий шүүгч нар, Тамгын газрын даргын үүргийг түр орлон гүйцэтгэгч болон холбогдох албаны хүмүүс оролцлоо.
Leave a Reply